قيمة غذائية عالية
مراقبة الدجاج
تاريخ الصلاحية
التوصيل إلى نقط البيع
المراقبة البيطرية
المراقبة البيطرية ديال الدجاج بشكل منتظم من طرف بيطري معتمد لذى المكتب الوطني للسلامة الصحية ONSSA،من ضمن أولويات المزرعة.بحيث أنها كتسهر على متابعة الصحة ديال الدجاجة. هاد المتابعة كتتمثل في فحص ومراقبة كل دجاجة طيلة مدة التواجد ديالها فالمزرعة، باش تنتج لينا بيض طري وذو جودة عالية ينفعنا فصحتنا و صحة وليداتنا. ومنساوش باللي بيض بلادي كيوفر رقم واتساب ديال مصلحة المستهلك اللي تقدرو تلقاوه مطبوع فالعلبة واللي من خلاله تقدرو تتواصلو معنا.
تعليب البيض
بيض بلادي كيتعلب فمركز التلفيف مرخص من طرف المكتب الوطني للسلامة الصحية ONSSA. تيمر البيض فيه بعدة مراحل باش يتم التأكد من الجودة ديالو ، من بعد كيتم ختم كل بيضة، هذا الختم هو بمثابة علامة ديال الجودة و ضمان على الطراوة ديال البيضة ولي كيميز بيض بلادي على بيض آخر.
التوصيل إلى نقط البيع/الى المستهلك
بيض بلادي كيوفر أفضل الظروف للنقل و الشحن باش يحافظ على الطراوة ديال البيضة. شاحنات بيض بلادي مجهزة لحماية البيض من الشمس،الحرارة و العوامل الخارجية، و عندهوم رخصة خاصة بنقل البيض مسلمة من طرف المكتب الوطني للسلامة الصحية ONSSA. و نزيدك الشاحنات كتنطالق يوميا مباشرة من المزرعة لعند البقال فوقت محدد باش يوصلنا البيض طري و ذو جودة عالية لبين يدينا.
تاريخ الصلاحية
خصنا نعرفو بأن البيض حتى هو عندو تاريخ الصلاحية لي هو 30 يوم من بعد الانتاج . علماء الصحة و البيولوجيا بينو بأن فوق القشرة ديال البيضة كاين واحد الغشاء شفاف واقي لي كيحمي البيضة من الميكروبات و العوامل الخارجية و هاد الغشاء كيندثر طبيعيا بعد مدة 30 يوم. هاد الشي علاش خصنا نردو دائما البال مع التاريخ الصلاحية لي مطبوع فوق العلبة.
بشرط نحافضوا عليها فمكان بارد. و بهاد الطريقة كنحميو راسنا و ولادنا من اقتناء أو أكل بيض قديم و مضر بصحتنا. و نديرو فراسنا باللي مع تاريخ الصلاحية طراوة البيض ماتخفى علينا.
